-Til hamingju Ísland!-
Það var á þessum degi fyrir fjórum árum að ljúfur drengur lagði á sig lítið ferðalag til þess, að skrifa litla pistla annað veifið á þessa litlu vefsíðu...svokallað blogg. Heldur hefur þó dregið úr reglulegum pistlaskrifum hérna upp á síðkastið, en því er lofað (hótað) hér með að bætt verður verulega úr því á komandi vikum og mánuðum. Það eru því spennandi tímar framundan og um að gera fyrir áhugasama að fylgjast með því.

Í tilefni dagsins verður sett í gang lítil poppgetraun, en í pistli dagsins er falið brot úr íslenskum dægurlagatexta (og þá er ekki verið að meina hið augljósa í fyrirsögninni). Hvert er brotið, hver á textann, hver á lagið og hver söng lagið ? Þetta er nú reyndar grátlega einfalt.

Til hamingju með daginn, og góðar stundir.