-Múhameða er það kannski allt, sjónhverfing ein?-
Fyrir áhugasama þá er rétt að geta þess að ég er búinn að útvega mér diktafón, og því er ekkert því til fyrirstöðu að fara að taka viðtöl út um allan bæ.

Annars er eina ástæða þess að ég ákvað að skella inn bloggi, sú að ég er búinn að vera með þessa textalínu hér að ofan í hausnum á mér síðustu mínúturnar, og tengist það væntanlega þessu fáránlega máli með skopmyndirnar af honum Múhameð blessuðum.

...og í staðinn fyrir að hefja eldheitar umræður um það mál, væri líklega nær lagi að setja í gang eina af hinum sívinsælu poppgetraunum. Og því er spurt núna: Úr hvaða lagi er þetta textabrot, hverjir fluttu lagið upphaflega og af hvaða plötu er það?
Sama hljómsveit átti reyndar líka línuna..."þú varst sjálfur í eina tíð prakkaritvél hefur takka, hverjum sem það er að þakka".
Þetta er reyndar einum of auðvelt, en það verður bara að hafa það í þetta sinn.

Góðar stundir.