-Það á afmælí dag, það á afmælí dag.....-
Góðir hálsar, í dag eru merk tímamót. Það er liðið heilt ár síðan ég byrjaði að blaðra á netinu, ótrúlegt en satt. Ég bjóst satt að segja við því að maður myndi kannski endast í einhverjar örfáar vikur og gefast svo upp. En viti menn vikurnar eru orðnar 52 og dagarnir 365 og mánuðirnir tólf og.......tímatal.......og hér er ég ennþá að skrifa misgáfulega pistla.

Á svona tímamótum eru það margir sem eiga þakkir skildar. Fyrstan ber að telja Denna sem startaði þessari dellu hjá mér og kom þessum vef á koppinn, hafðu þakkir fyrir Denni. Nú svo hafa vinir og vandamenn stutt dyggilega við bakið á mér á þessari göngu og verður þeim vart nóg þakkað fyrir þeirra hlutdeild í þessu mikla verki.

Að lokum vil ég biðja viðstadda um að lyfta glösum og skála fyrir afmælisbarninu.

SKÁL!!!

Góðar stundir.